• 16.10.2012

    Red Square Screenings

    Шәкен Айманов атындағы «Қазақфильм» АҚ шығарған фильмдер қазанның 15-сі мен 20-сы аралығында Мәскеу қаласында ресейлік Кино қоры ұйымдастырған Red Square Screenings атты әлемдік киноиндустрия өкілдеріне арналған көрсетілім шеңберінде ұсынылатын болады.

    Жыл сайын өткізілетін бұл халықаралық мәдени іс-шараға шетелдің жетекші дистрибуторлары, sales-агенттер, халықаралық ақпарат құралдары мен кинофестивальдердің өкілдері қатысып, Ресей мен ТМД елдерінің фильмдерін тамашалайды. Биыл ұйымдастырылған Red Square Screenings мәдени іс-шараның ерекшелігі - Украина мен Қазақстан фильмдерінің қатысуы. Еліміздің атынан аталмыш көрсетілімге қатысатын делегацияны «Қазақфильм» киностудиясының президенті Ермек Аманшаев бастап барады.

    Red Square Screenings мәдени іс-шара барысында көрсетілетін отандық фильмдердің тізімі:

    1. «Жаужүрек Мың Бала», режиссері Ақан Сатаев;
    2. «Ликвидатор», режиссері Ақан Сатаев;
    3. «А-ға оралу», режиссері Егор Михалков-Кончаловский;
    4. «Аңыздар кітабы. Жұмбақ орман», режиссері Ахат Ыбыраев;
    5. «Ғаламтордағы махаббат», режиссері Әмір Қарақұлов.

    Іріктеліп алынған барлық фильмдерді іс-шара барысында ұйымдастырылған арнайы бейнекітапханада және жыл бойы онлайн түрін көріп тамашалауға болады.

    Аталған мерекелік іс-шараның нәтижелері Variety, Screen International, The Hollywood Reporter, Filmbulletin сында басқа да әлемдік ақпарат құралдарында жарияланатын болады.



Ваше имя*
Ваш E-mail*
Сообщение*
Защита от автоматических сообщений
CAPTCHA
Введите слово на картинке*

 

Шәкен Айманов атындағы
«Қазақфильм» АҚ
Алматы қаласы, Әл-Фараби
көшесі 176
302-16-77(факс)
kense@kazakhfilmstudios.kz


Барлық құқықтары қорғалған
«Қазақфильм» АҚ
1956-2019