Режиссер Ақан Сатаевтың «Томирис» фильмі бүгіннен бастап Түркия елінде прокатқа шығады. Отандық кинотуынды Түркияның 62 қаласында 200-ден астам кинотеатрларында көрсетіледі. Тарихи фильмді осы елде көрсету құқығын жергілікті Siyah Beyaz Movies компаниясы сатып алған болатын.

Ш.Айманов атындағы «Қазақфильм» киностудиясы «Ақтастағы Ахико» фильмінің түсірілімдерін қайта қолға алды. Шынайы оқиғаға негізделген кең ауқымды тарихи киножобада Екінші дүниежүзілік соғыстан кейін тұтқынға түскен Жапонияның әскери училищенің курсанты Ахико Тэцуроның өмір жолы мен тағдыры баяндалады. Фильмнің режиссері - Елдар Қапаров.

Ш.Айманов атындағы «Қазақфильм» АҚ «Ұлттық киноны қолдау орталығы» КЕАҚ қолдауымен түсірген «Мерген» (реж. Р.Әлжанов), «Граната» (реж. Д.Мырзағалиев) және «Көше ақыны» (реж. С.Рақым) атты қысқаметражды фильмдер қыркүйектің 8-і мен 12-і аралығында Алматыда жабық форматта өтетін VI Халықаралық Baiqonyr International Short Film Festival кинофестиваліне қатысады.

Режиссерлер Ерлан Нұрмұхамбетов (Қазақстан) және Лиза Такэба  (Жапония) түсірген «Барымташылар. Уақыт жолдары» фильмі Францияда прокатқа шықты. Кинотуындының продюсері Юлия Кимнің айтуынша, Қазақстан мен Жапония бірлесіп түсірген картина бүгіннен бастап Францияның 21 қаласында көрсетіледі. Айта кетсек, осыған байланысты бүгін Париждегі Espace Saint Michel кинотеатрында фильмнің арнайы көрсетілімі өтеді.

Режиссер-дебютант Райымбек Әлжановтың «Мерген» атты қысқаметражды фильмі жанрлық киноларға арналған әлемдегі беделді фестивальдердің бірі – халықаралық Fantasia кинофестиваліне қатысады. Аталған кино байқауы тамыздың 5-і мен 25-і аралығында Канадада өтеді.

Бүгінгі таңда режиссер Эля Гильманнның «Күнбағыс» фильмі 16 халықаралық фестивальге қатысып, 25-тен астам жүлдеге ие болды. Аталған кинотуынды жақында ғана Францияда өткен Red Movie Awards фестивалінде «Үздік драма» жүлдесін, халықаралық Tokyo International Monthly Film Festival фестивалінде «Үздік режиссер» және Cannes Film Awards  кинофестивалінде «Азияның үздік актері» (актер Еркебұлан Дайыров) жүлделерін, сонымен қатар Paris Film Festival фестивалінде арнайы жүлдені қанжығасына байлады.

Бүгін ҚР Мәдениет және спорт министрі Ақтоты Райымқұлованың тапсырмасы бойынша «Қазақфильм» киностудиясына ҚР Мәдениет және спорт вице-министрі Нұрқиса Дәуешов пен ҚР Мәдениет және спорт министрлігі Мәдениет комитетінің төрағасы Ақан Әбдуәлиев ресми сапармен келді. Нұр-сұлтан қаласынан келген делегация шілденің 8-і күні өмірден өткен режиссер Сатыбалды Нарымбетовтың «Жаңғырық» кинокартинасына қатысты бірқатар мәселелерді талқылау үшін киногерлермен кездесті.

Жаңадан ашылған Медиа және кино мектебінің (Media & Film School) «Сандық кино өндірісі» мамандығына түсу үшін «Қазақфильм» киностудиясында талапкерлерге арналған екінші шығармашылық емтихан өтіп жатыр.

Тайланд Корольдігінде онлайн форматта кезекті қазақ киносының фестивалі өтіп жатыр. Бұл іс-шара Ел Тәуелсіздігінің 30 жылдық мерейтойы, сондай-ақ Жамбыл Жабаевтың 175-жылдығы және Елорда күніне орай Қазақстан Республикасы Мәдениет және спорт министрлігінің қолдауымен Ш.Айманов атындағы «Қазақфильм» АҚ және Қазақстан Республикасының Таиландтағы Елшілігімен ұйымдастырылып отыр.

Қазақстан Республикасының Мәдениет және спорт министрі Ақтоты Райымқұлова бастаған делегация Алматы облысы Қапшағай қаласының маңында орналасқан «Ұлы Дала Таңы» фильмінің түсірілім алаңына барып қайтты.